484
Дневниот ред на 103-тата седница е изгласан со 62 гласа, со поддршка од двата пратеника на Левица, велат од ВМРО-ДПМНЕ.
„Левица гласаше ЗА седницата за владина реконструкција и уште еднаш на дело покажа дека се фолиранти, а не опозиција.
Секогаш кога на СДС и ДУИ ќе им затреба кворум, тука е Левица со своите два пратеника да направи.
Ова се фотографии од кои јасно се гледа дека седницата за владина реконструкција не би било можно да започне без присуството на Левица, власта немаше 61 пратеник, туку 60, а кворумот од 62 го направија Апасиев и Крмов.
Левица е приврзок на Ковачевски и Ахмети, како во Собранието, така и секаде каде ќе им затреба во Советите на локално ниво“, додаваат од опозициската партија.