Данела Арсовска е успешен менаџер и победник на претстојните локални избори, Шилегов е минато и губитник, велат од ВМРО-ДПМНЕ.
„Арсовска е жена која е високопочитувана во бизнис заедницата, која зад себе има голем број на проекти и завршени работи. Шилегов зад себе има празни ветувања и 20% реализација на програма. Ниту една од капиталните инвестиции ветени од Шилегов не е ниту почната. Нема продолжување на булевар Илинден, нема тунел под Кале.
Арсовска целиот свој работен век креира додадена вредност за општеството, а Шилегов потроши 12.5 милиони евра од продажбата на градската куќа, а никој не знае на што и како.
Арсовска помагала во раст и развој на голем број на компании, а одлика на Шилегов е тоа што платил противпожарна скала 900.000 евра повеќе од тоа што за истата таква скала платил град Загреб.
Неспоредливи се Данела Арсовска и Петре Шилегов. Арсовска е работник, успешен менаџер, а Шилегов е неработник, неспособен и мрзелив. Време е да го испратиме Петре Шилегов во политичка пензија. Време е за промени“, додаваат од опозицијата.