939
Освен што освои над 40 општини на локалните избори, ВМРО-ДПМНЕ ќе има влијание во околу 50 општини како резултат на предизборната соработка.
Како што брифираат од ВМРО-ДПМНЕ, добиваат секретари на општините Тетово и Гостивар на чело со градоначалниците Биљал Касами и Арбен Таравари од Беса и АА.
Исто така, партијата на Христијан Мицкоски ќе има секретар и во Карпош на Стевчо Јакимовски.
Покрај тоа, посочуваат извори од опозициската партија, ќе добијат и директори на две јавни претпријатија во Куманово предводено од Максим Димитриевски од СДСМ, кој вториот мандат го доби како независен кандидат.
Инаку, станува збор за јавните претпријатија Куманово-Гас и Куманово-План.
В.С.
