Актерот Владо Јовановски побарал јавна седница од Апелациониот суд на кој ќе се разгледува неговата жалба по однос на продолжување на притворот за уштре 30 дена како осомничен за настаните во Собранието од 27-ми април.
Јавна седница бараат и Оливер Поповски од шестата управа, како и Горан Ѓошевски од обезбедувањето на Трајко Вељановски.
Во Апелација до сега пристигнале осум жалби по однос на одлуките од Кривичниот суд. Судот пред една недела одлучи да им го продолжи притворот за нови триесет дена на пратениците Крсто Мукоски, Сашо Василевски и Љубен Арнаудов, на поранешниот министер за внатрешни работи и директорот на Бирото за јавна безбедност Митко Чавков, организаторите на протестите на „За заедничка Македонија“ Игор Дурловски, Борис Дамовски, Богдан Илиевски и на уште шестнаесет лица осомничени за насилствата во Собранието.