Владејачката партија ги понижува вработените во образованието, велат од ВМРО-ДПМНЕ

Власта на СДСМ и ДУИ на секој можен начин ги понижуваат вработените во образованието. Еднаш тоа го прават со притисоците, заканите и заплашувањата, а од друга страна ги игнорираат нивните барања за покачувања на платите согласно колективен договор, се вели во соопштението од ВМРО-ДПМНЕ.

Од партијата наведуваат дека оправдани и легитимни се барањата за повисоки плати на просветарите. Покачувањето на платите кое го нуди владата не може да се покрие ни два дена пазарење од продавниците. Инфлацијата само во месец март достигна до 8,8%, маслото за јадење е поскапено 100%, лебот 110%, горивата за околу 80%, струјата за 30% и сите останати основни животни трошоци.