Поради високите температури во целата држава, Владата донесе итни мерки во траење од три дена.
Според информациите од Институтот за Јавно здравје и метео-алармот на Управата за хидрометеоролошки работи, целата држава ќе биде зафатена од топлотен бран во периодот од 12.08.2024 до 14.08.2024 година (понеделник, вторник и среда).
За да се превенираат последиците од топлотните бранови врз здравјето на населението ќе се превземаат акции предвидени за ФАЗА 2 – ПОРТОКАЛОВО НИВО на топлотни бранови.
Согласно ова, Владата донесе дополнителни мерки за превенција, и тоа:
1. Oслободување од работни обврски за најралнивите групи на населениението: бремените жени и лица на возраст над 60 години. Во истиот период, работодавачите да ги реорганизираат работните активности на градежните работници и на работниците кои работат на отворено, со тоа што ќе се избегне вршење градежни и други работни активности на отворено во периодот од 11 до 17 часот.
2. Со оглед на фактот дека одредени ризични производни и технолошки процеси може да претставуваат дополнителен ризик по здравјето на изложените работници, се потсетуваат работодавците на обврската за почитување на законските прописи од оваа област.
3. Во установите за згрижување на децата (градинки) да не се практикува физичка активност и да не ги изнесуваат децата на отворено во периодот од 11 до 17 часот.
4. Единиците на локалната самоуправа, Црвениот крст и Центрите за социјални работи во регионите зафатени со топлотниот бран да пружаат помош на осамени, стари, изнемоштени лица и бездомни лица.