Владата намени 30 милиони денари за реконструкција на салата „Работнички“

Владата на денешната седницa донесе Одлука за прераспределба на средства од Буџетот за 2023 година во износ од 30 милиони денари за реконструкција на спортска сала „Работнички“ – Градски парк, општина Центар, во Скопје.

Како што информираат од Владата, прераспределбата на средствата е конкретно од Агенцијата за млади и спорт кон Општина Центар.

-Станува збор за 30.000.000 денари, што согласно владината одлука, се наменети за реконструкција на спортска сала „Работнички“ – Градски парк, општина Центар, во Скопје. Задолжена е Агенцијата за млади и спорт, средствата да ги префрли на посебна наменска сметка на Општина Центар“, се наведува во соопштението.