Владата ги одобри законските измени со кои американските и британските „црни листи“ стануваат основа за санкционирање во земјава

Владата ги одобри измените на законот за рестриктивни мерки, со кои американските и британските листи стануваат основа за санкционирање и од нашите институции.

Ова попладнево на својот Фејсбук го објави министерот за надворешни работи Бујар Османи.

Оваа одлука следи откако македонски функционери и бизнисмени се најдоа на американската „црна листа“.

Измените на Законот предвидуваат правните акти на САД и правните акти на Обединетото Кралство да се додадат како основ за воведување рестриктивни мерки од страна на државата.