Вирусот Зика повторно напаѓа во Индија

Најмалку 89 лица, меѓу кои 17 деца, се позитивни на вирусот Зика во индискиот град Канпур, соопшти денеска здравствениот оддел на тој град.

Овој вирус за првпат е откриен во 1947-ма година, а го пренесуваат комарците и достигна епидемиски размери во Бразил во 2015 година.

Тогаш илјадници бебиња беа родени со микроцефалија, нарушување што предизвикува бебиња да се раѓаат со ненормално мали глави и неразвиен мозок.