Винариите да не манипулираат со откупните цени и со плаќањето, апелираат лозарите

Винариите да не манипулираат со откупните цени и плаќање за грозјето од годинашнава реколта, апелираат од „Напредни лозари”. На состанок на Управниот одбор што се одржа синоќа, регионалното Здружение донесе неколку заклучоци.

-Бараме да се утврди задолжителна минимална заштитена цена за килограм грозје. Ако винариите повторно манипулираат со нас како и претходните години, да се организираат средби со амбасадори во нашата земја, со кои би се разговарало околу можноста за извоз на нашето грозје, истакнаа присутните на состанокот.

Тие нагласија дека, доколку повторно се појават манипулации околу цените и начинот на плаќање, не се исклучени и порадикални мерки, па и штрајк.