(Видео) Зеленски ненадејно дојде на границата со Русија

Украинскиот претседател Володимир Зеленски ненадејно го посети украинскиот регион Суми, кој граничи со руската област Курск.

Заедно со неговиот врховен командант на армијата, генералот Олександр Сирски, тој го посети Суми две недели по инвазијата на украинската армија во соседниот руски регион Курск. Зеленски во Суми рече дека украинските сили презеле контрола над друго село во рускиот регион и заробиле неколку руски војници.

Претставниците на Киев претходно изјавија дека контролираат повеќе од 90 населби во Курск – еден од двата важни фронта во војната меѓу Украина и Русија. Вториот е во источна Украина во регионот на Доњецк, каде руските сили постигнуваат бавен, но незапирлив напредок.