18-годишен вооружен напаѓач во градот Фармингтон во Ново Мексико по случаен избор пукал во случајни минувачи и уби три лица пред полицијата да го застрела пред црква, потврдија властите. Во инцидентот се повредени шест лица, меѓу кои двајца полицајци.
Портпаролката на полицијата во Фармингтон, Шанис Гонзалес, за Ројтерс изјавила дека 18-годишникот пукал по случаен избор во минувачите и дека засега не е познат мотивот за нападот. Полицијата додаде дека тој отворил оган со најмалку три оружја, од кои едното пушка „АР-15“.
На социјалните мрежи се појави видео од нападот, на кое се гледа како маж облечен во црно оди пред црква носејќи предмет налик на пиштол, пред да биде убиен од полицијата. Полицијата ја потврди автентичноста на видеото. Засега не се соопштуваат детали за жртвите.
🚨#UPDATE: New footage shows a male suspect that killed four people and injured two police officers at the church in Farmington, New Mexico Police later killed the suspect pic.twitter.com/FaI9zUy86z
— R A W S A L E R T S (@rawsalerts) May 15, 2023
„Осомничениот е убиен на лице место. Двајца полицајци, еден од полицискиот оддел Фармингтон и еден од државната полиција на Ново Мексико, беа застрелани и двајцата моментално се во Регионалниот медицински центар „Сан Хуан“ и се лекуваат поради повредите и се во стабилна состојба“, се вели во соопштението на полицискиот оддел Фармингтон.