(ВИДЕО) Владата со пренос од државниот пречек на загинатите

Претпладне се очекува на скопскиот аеродром да слетаат двата воени авиони на Бугарија со посмртните останки на македонските граѓани кои загинаа во автобуската несреќа на автопатот Струма.

Владата организира државен пречек од кој ќе има и видео пренос. На плоштадот Скендербег се поставени венци, а граѓаните може да им оддадат почит на загинатите.

По пристигнувањето на аеродромот, телата веднаш ќе бидат пренесени кон нивните домови и ќе им бидат предадени на семејствата.

-Државниот дочек на посмртните останки од загинатите граѓани во трагичната автобуска несреќа во Република Бугарија, започнува околу 10:55 часот на Меѓународниот аеродром „Скопје“, а истиот можете да го проследите преку следниот линк, објавија од Владата.