(Видео) Тајсон изгуби од младиот јутјубер Џејк Пол

Јутјуберот Џејк Пол (27) го победи Мајк Тајсон (58) во професионална борба што се одржа во Далас. Младиот Пол славеше победа со едногласна одлука на судиите на стадионот „Далас каубојс“.

Спектаклот кој беше долго очекуван од публиката се пренесуваше на Нетфликс, а се одржа пред околу 80.000 гледачи.

Тајсон во првите две рунди успеа да му зададе неколку силни ударти на Пол, но сепак не издржа. Тој беше брз и агилен, но почна малку да кикснува после втората рунда.

Ова беше прва професионална борба на Тајсон од јуни 2005 година, кога загуби од Кевин Мекбрајд.

Тајсон сега има биланс од 50 победи и седум порази, додека Пол има скор од 12 триумфи и еден неуспех.