Полицијата во Јапонија уапсила три лица осомничени за таканаречен „суши тероризам“. Ова претставува пракса која е закана за светски познатите суши ресторани кои се со подвижна лента.
Минатиот месец стана вирално видео на кое се гледа маж кој лиже шише соја сос на „суши воз“, што предизвика гнев во Јапонија. Можеше да се види како тој остава плунка на садовите кои поминуваат на лентата во ресторан од брендот „Кура суши“.
По него, се појавија уште многу слични снимки.
【悲報】回転寿司炎上界隈に新たな挑戦者あらわる
今度はスシローで醤油さしや湯飲みをベロベロ舐めまくり＆回る寿司にも唾タッチ pic.twitter.com/RMUk3caZQE— 滝沢ガレソ🪚 (@takigare3) January 29, 2023
Дел од големите суши ресторани во Јапонија апелираа да престанат саботажите на нивната храна. Дел од рестораните престанаа да служат суши на подвижна лента, што беше нивна главна атракција.
„Виралниот видеотренд е крајно опасен и претставува закана за основите на суши рестораните со подвижна лента, која е дел од јапонската култура“, соопштија од „Кура суши“.
Луѓе се снимаат како лижат стапчиња за јадење и чинии и како допираат или плукаат во туѓи нарачки додека истите се движат по лентата.
Во градот Нагоја е уапсен 21-годишник кој лижел заедничко шише соја сос, а во сето тоа биле вклучени и 19-годишник и 15-годишник. Ја признале вината.