Снегот што падна во соседните Романија и Бугарија предизвика колапс во сообраќајот, дрвја паднаа врз автомобили, а некои патишта се блокирани. Во Бугарија повеќе од 1.000 места се исклучени од електричната мрежа, а на многу места е прекинат патниот и железничкиот, а некаде и авиосообраќајот.
Поради вонредните временски услови, бугарскиот премиер Николај Денков свика вонредна седница на владата.
Состојбата е особено загрижувачка на североистокот на земјата, а дел од населението во Софија остана без струја.
Сняг се сипе на парцали,
а Терзиев е на Бали. В София снежинки хвъркат, всички снегорини хъркат! Тока спира, парно няма,
Ха честита Ви промяна (от интернет) кв.Павлово pic.twitter.com/iwqSjFih2N— Ники Николов (@niiiik_) November 26, 2023
Во многу делови од земјата врнежите од снег се придружени со силни налети на ветер, па владата прогласи вонредна состојба во повеќе региони.
ДНЕС ВРЕМЕТО В БЪЛГАРИЯ СНЯГ СТУД pic.twitter.com/5J3H9eP47i
— angelina (@abv_ani) November 26, 2023
Министерот за одбрана Тодор Тагарев најави дека армијата е во состојба на готовност, а одговорните се уште разговараат за тоа како ќе се одржува наставата во најтешко погодените региони, пренесе бугарската новинска агенција БТА.
Аеродромот во Софија работи со задоцнување, а откажани се и неколку меѓународни летови на аеродромот во Варна.
Снегот и ветерот го попречуваат и патниот и железничкиот сообраќај во соседна Романија, каде премиерот Марсел Чолаку свика состанок на претставниците на службите за итни случаи.
(VIDEO) Au fost deszăpezite DN38 între Agigea – Topraisar și DN39E Cumpăna. În continuare sunt BLOCATE 44 autoturisme, două microbuze, un autocar și o cisternă
Mai multe detalii puteți găsi pe https://t.co/QlkDOOClCz#Constanța #codroșuhttps://t.co/igqNJKWCeg pic.twitter.com/hROMUsJgmo
— Ziarul Amprenta (@ZiarulAmprenta) November 26, 2023
Поради обилните снежни врнежи, вонредна состојба е прогласена и во некои градови во Србија. Снегот кој веќе два дена непрекинато паѓа во Нова Варош, најмногу проблеми направи во електричната мрежа, па некои планински села 48 часа се без струја.
