Воените сили упаднаа во парламентот на Јужна Кореја. Овој потег претставува значителна ескалација на политичките тензии во земјата.
Телевизиските снимки во живо покажаа дека војниците кои очигледно имаат задача да воведат воена состојба се обидуваат да влезат во зградата на собранието, а парламентарните помошници беа видени како се обидуваат да ги вратат војниците со прскање противпожарни апарати.
Ова следи откако претседателот Џун Сук Јоел претходно денеска прогласи воена состојба во земјата. Тој ја обвини опозицијата за „антидржавни активности“.
Во својот говор, јужнокорејскиот претседател ја обвини опозицијата дека „го контролира парламентот, сочувствува со Северна Кореја и ја парализира владата со антидржавни активности“.
Прогласувањето воена состојба не значи објава на војна, туку мерка која ѝ овозможува на војската да ја преземе контролата врз цивилните власти со цел да се одржи редот и безбедноста. Ова може да вклучува ограничувања на граѓанските права, како што се слободата на движење и собирање, и воведување медиумска цензура.
Ваквите мерки обично се преземаат во ситуации на сериозна закана за националната безбедност, како што се надворешни закани или внатрешни немири.
По неговиот говор, министерот за одбрана свика итен состанок на Советот за безбедност, а армијата е ставена во борбена готовност. По најавата за вонредна состојба, пред зградата на парламентот почнаа да се собираат луѓе.
Иако деталите за тоа какви мерки ќе бидат спроведени за време на вонредната состојба не се објавени, според сегашниот закон во Јужна Кореја, ова се клучните мерки што претседателот може да ги спроведе.
⚡️🇰🇷 People in South Korea have taken to the streets to protest against the declaration of martial law. pic.twitter.com/Z90rLHTany
— सिद्धार्थ कूकना (@sidkukna) December 3, 2024
Овој потег на претседателот Јун Сук-Јол предизвика загриженост кај јужнокорејската јавност за влијанието врз демократските процеси во земјата, а опозициската Демократска партија свика итен состанок на своите претставници за да разговара за ситуацијата.
Martial law forces breaking into South Korea’s parliament pic.twitter.com/tdXKGaFAbh
— BNO News (@BNONews) December 3, 2024
Јужнокорејските парламентарци гласаа за блокирање на декретот за прогласување вонредна состојба.
За оваа одлука гласаа 190 претставници во 300-члениот парламент. Не е познато како оваа одлука ќе влијае на самото прогласување вонредна состојба.
People in South Korea have taken to the streets to protest against the declaration of the Martial law.
— Aman1 (@Aman14038377) December 3, 2024
Законот го обврзува претседателот да ја почитува одлуката на законодавниот дом.