Израел утрово изврши напад на иранска територија, изјави неименуван американски функционер за Си-Ен-Ен.
Целта не е нуклеарна, според овој претставник.
Обемот на целите не е наведен, но „нуклеарните и цивилните локации очигледно не беа во таа категорија“, додаде друг официјален претставник.
UNCONFIRMED FOOTAGE OF EXPLOSION IN ISFAHAN IRAN pic.twitter.com/VWHixICJXq
— Sulaiman Ahmed (@ShaykhSulaiman) April 19, 2024
Иранската државна телевизија јави дека три беспилотни летала биле забележани над небото во Исфахан околу 12:30 часот по локално време и биле уништени откако бил активиран системот за противвоздушна одбрана на земјата, јавува Ројтерс.
Претходно, полуофицијалната новинска агенција Фарс објави дека „експлозии“ се слушнале во близина на меѓународниот аеродром во Исфахан.
Провинцијата Исфахан е дом на голема воздушна база, голем комплекс за производство на ракети и неколку нуклеарни локации.
Иранската агенција ИРНА јавува дека летовите над неколку градови во земјата се прекинати.