Снимка од станбената зграда во близина на аеродромот во Киев која беше погодена од проектил или ракета рано утрово, покажува голем удар на горните катови на солитерот, објавија светските медиуми.
Ракетата за среќа не предизвикала жртви, изјави советник на министерот за внатрешни работи на Украина.
Надворешните ѕидови на неколку катови се целосно разнесени, внатрешноста е поцрнета, а шут виси од голема височина.
Украинските власти објавија снимка на која, меѓу другото, се гледа моментот на ударот на проектилот.
Антон Херашченко нагласи дека Русија не зборува вистина дека не ја гранатира цивилната инфраструктура. Според советникот, најмалку 40 такви локации биле погодени, и дека руските трупи гранатирале цивилни локации.
#Оперативна_інформація від ДСНС України
“Фіксуємо черговий воєнний злочин проти мирного населення України.Рятувальники проводять евакуацію мешканців багатоповерхівки по проспекту Лобоновського 6А, де 26.02 сталося попадання снаряду в житловий будинок на рівні 17 та 18 поверхів.” pic.twitter.com/MC9PndcZXm
— Defence of Ukraine (@DefenceU) February 26, 2022