Фудбалерите на Ал Наср со 2:0 го совладаа тимот на Ал Вехда на гостински терен, во 22. коло од саудиската Премиер лига.
Гостите беа големи фаворити, што го оправдаа на теренот, уште од самиот почеток.
Имаа неколку добри шанси во првите 45 минути, но не можеа да поведат.
Сепак, тоа го поправи никој друг туку Кристијано Роналдо во 48. минута.
SIUUUU 🐐
Ronaldo’s header is good for the goal! pic.twitter.com/Qm64JA42ci
— FOX Soccer (@FOXSoccer) February 25, 2025
Анџело направи добар центаршут, а Роналдо следеше се, налета и со глава ја испрати топката во мрежата и ги доведе гостите во водство.
Тоа беше негов 17-ти гол оваа сезона, а 925-ти во кариерата.
Конечните 2:0 ги постави Садио Мане, во десеттата минута од судиското надополнување.
Ал Наср сега е на третото место со 47 бодови, додека Ал Вехда е на последното, 18. место со 13 бодови.