Претседателски кандидат на Левица ќе биде професорката Билјана Ванковска, најави лидерот на партијата, Димитар Апасиев.
„Денес е голем ден за нас како Левица и за првпат обзнануваме наш претседателски кандидат, а тоа е професорката Билјана Ванковка и мислам дека го имаме најдобриот кандидат. Сметаме дека партијата достигна до ниво и дека ќе го полага матрурскиот испит со собирање на 10.000 потписи – рече Апасиев.
Како што рече, тој и сопартијците како млади политичари чувствувале должност да извадат свој кандидат за претседателски избори. Од партијата велат дека дошло време народот да препознае кој се бори чесно за интересите на Македонија.
„ Со избор помеѓу двете помали зла стигнавме до ова дереџе и мислам дека ние како млада генерација на атипични политиари чувствуваме должност да извадиме кандидат за претседателски избори. После нашите внатрепартиски анкети каде што имаше повеќе имиња во игра, најдобриот скор го имаше професорката Ванковска. Фрламе ракавица на мејнстрим буржоаските партии кои ќе се натпреваруваат со нас“ порача Апасиев.