430
Седум семејства утринава останаа без покрив над главата во Белград, по пожарот кој избувнал во куќите под Панчевски мост – пожарот зафатил околу 1.000 метри квадратни.
На две лица, кои се задушиле од чад, им била укажана помош на лице место.
На терен се 26 пожарникари со десет противпожарни возила кои работат на гаснење на пожарот.
Според информациите, опожарени се куќи, столарски работилници, автосервис.
„Пожарот избувна рано утринава околу три и пол. Прво помирисавме чад, а за 15-20 минути веќе сè беше во пламен. Седум семејства останаа без покрив над главата, сите останавме на улица“, вели еден од жителите.
Пожарот и чадот не влијаат на сообраќајот во овој дел од градот.
View this post on Instagram