Контејнерскиот брод „Дали“, кој предизвика уривање на голем мост во Балтимор, изгубил струја додека го напуштал пристаништето, се наведува во извештајот на Агенцијата за кибернетска и инфраструктурна безбедност.
Екипажот на бродот ги известил властите за можен судир, соопшти ABC News, која го видела извештајот.
„Бродот го извести Министерството за транспорт дека е изгубена контролата над бродот и дека е можен судир со мостот“, се наведува во извештајот.
Daylight reveals the catastrophic damage of the Francis Scott Key Bridge after a ship collision in #Baltimore.
Rescue efforts continue.The 1,200 feet span bridge was the third longest span of any continuous truss in the world.
📸 @rawsalerts pic.twitter.com/bf3tCJuq9h— Nancy Scales-Coddington (@NancyCoddington) March 26, 2024
Мостот Ки се урна рано утринава по локално време, откако во него удри товарен брод. Навигацијата е прекината во таа област. Во тек е активна мисија за пребарување и спасување на околу 20 лица за кои се верува дека паднале во вода.
Секретарот за транспорт на Мериленд, Пол Видефелд, рече дека градежни работници биле на мостот и правеле поправки во моментот на уривањето.
Како што пренесоа американските медиуми, во вода паднале и автомобили.