Албански специјалци денеска уапсија еден од највлијателните политичари во таа држава, Илир Мета, поради сомнеж дека е вмешан во корупциски афери и перење пари во времето кога бил премиер, претседател и парламентарен спикер.
Полицијата го сопрела Мета додека со автомобил возел кон местото на кое закажал конференција за медиумите. Веднаш по апсењето бил одведен во просториите на специјалното обвинителство.
🇦🇱 Albania's former president and prime minister, Ilir Meta, was arrested today.
Meta is the leader of the Freedom Party, the third-largest in Albania.
With Meta’s arrest, all major opposition leaders, including the Democratic Party’s Sali Berisha, have now been arrested. pic.twitter.com/yKDYZS7vHY
— kos_data (@kos_data) October 21, 2024
Албанската опозиција бурно реагираше, тврдејќи дека апсењето е политички мотивирано, и дека не би било изненадување ако Мета биде ликвидиран.
„Сè во овој случај е политички мотивирано и по наредба на Еди Рама, кој на сите начини се обидува да го елиминира Мета политички, а ако е можно и физички“, кажа претседателот на опозициската Демократска партија Сали Бериша.