(Видео) Невреме во Велес – улиците се претворија во реки

Невреме проследено со пороен дожд, град, грмотевици и ветер попладнево го зафати Велес. За кусо време, улиците на градот се претворија во поројни реки кои носат камења, дрва и секаков отпад.

Силниот дожд и градот го отежнуваат движењето по улиците чии коловози се под вода. Засега нема информации за предизвикани штети од невремето.

Од УХМР најавија дека нестабилното време со пороен дожд, грмежи и засилен ветер ќе се задржи, и во наредните денови. Локално ќе има поинтензивни процеси во форма на невреме со пообилен дожд за кратко време, силен ветер и услови за појава на град.

Извор: Батали.нет