Снимателот на Радио-телевизија Косово, Бард Бектеши бил физички нападнат во Лепосавиќ од маскирани лица, при што му била скршена и камерата.
На видео што се шири на социјалните мрежи се гледа како група маскирани лица ги бркаат камерманот и новинарот на РТК.
Еден од напаѓачите во еден момент успева да ги стигне и да го турне на земја снимателот по што го удира со нозе по телото.
По нападот, од Управниот одбор и раководството на РТК рекоа дека снимките од нападот сведочат за невидено насилство врз новинарите.
Реакција има и од Здружението на новинари на Косово од каде ги повикуваат сите, почнувајќи од косовскиот премиер Албин Курти и другите релевантни фактори, да дадат се од себе за да овозможат безбедна средина за новинарите да ја вршат својата работа.
🇽🇰 Public broadcaster team brutally attacked in #Kosovo. We reiterate our call to Prime Minister @albinkurti to lease with the media organisation and put in place safety measures for journalists. ECPMF wishes the speedy recover to the @rtklivecom team. https://t.co/mMppX3cwnT
— European Centre for Press & Media Freedom (@ECPMF) June 16, 2023