(ВИДЕО) Најмалку 23 загинати во пожар во караоке бар во Виетнам, луѓе скокале од трети спрат

Најмалку 23 лица загинаа, а повеќе се повредени откако избувна голем пожар во караоке бар во близина на градот Хо Ши Мин, Виетнам.

Пожарот избувнал вчера вечерта на горниот кат од локалот. За да го избегаат огнот, четири лица скокнале од вториот и третиот кат, јавуваат локалните медиуми. Тие се здобиле со повреди, но ја преживеале несреќата.

Пожарникарите пристигнале на местото на настанот набргу по вклучувањето на алармот и им требало нешто помалку од еден час за да го изгаснат пожарот. Властите ги истражуваат причините за пожарот, пишува Би-Би-Си.

Phu Karaoke Bar е всушност голема зграда со 29 соби, сместена во регионот Binh Duong. Пожарот зафатил третина од зградата.