Инцидентот се случил на дипломатска конференција во Турција кога рускиот претставник го грабнал знамето што го држел украински функционер.
Конфликтот избувна во главниот град Анкара, кога неидентификуван маж му го одзеде знамето на Украина од рацете на Олександр Мариковски, кој во тој момент се фотографирал.
Инцидентот се случил откако членови на украинскиот парламент се обиделе да го прекинат говорот на руската делегација на состанокот на Парламентарното собрание на Црноморската економска соработка (PABSEC).
A representative of the Russian Federation in Ankara during the Black Sea Economic Cooperation Parliamentary Assembly disrespected the Ukrainian flag. People's Deputy from the Servant of the People faction, Oleksandr Marikovsky immediately responded.
Well done Oleksandr 👏 pic.twitter.com/QAH06hZm5X
— NOELREPORTS 🇪🇺 🇺🇦 (@NOELreports) May 4, 2023
Имено, Украинците го развиориле знамето на својата земја зад Русите во моментот кога тие го држеле својот говор. Говорот беше прекинат, а членовите на украинската делегација беа изнесени од салата.
По ова следеше физичка пресметка пред салата меѓу претставникот на украинскиот парламент, Олександр Мариковски и неименуваниот руски делегат.
Додека Мариковски позирал со знамето на Украина, маж му го грабнал од раце, поради што Мариковски го нападнал.
Според NOELreports, тие во тепачката си размениле неколку удари.