(ВИДЕО) Миовски не запира – нов гол во шкотскиот шампионат за македонскиот голгетер

Македонскиот фудбалски репрезентативец Бојан Миовски продолжува со голгетерската серија во дресот на шкотски Абердин. Најдобриот играч на шкотскиот тим го запиша 11-тиот погодок сезонава во шкотската Премиерлига.

На мечот со Данди, тој беше прецизен од белата точка во 31-та минута со што му донесе предност на својот тим од 1:0.

Gooooaaaallllll!!! #COYR #StandFree #DonsLIVE #Dons #afc pic.twitter.com/ZOoNyfoROY

— southstandview (@southstandview1) January 30, 2024

До крајот гостите успеаја да израмнат на 1-1 што беше конечен резултат на мечот.

По 21 одигран натпревар, Абердин е на осмата позиција со 24 бода.