(Видео) Местото на трагедијата утрово во Кочани: Целосно изгорена и пеплосана дискотеката

Ужасна е глетката утрово по пожарот во кочанската дискотека „Пулс“.

Пеплосан објект, со изгорен покрив и внатрешност, каде ноќеска животот го загубија над 50 млади луѓе. Нашата екипа на терен сними видео и фотографии од трагичниот настан, кој што ја потресе Македонија. Не е дозволен пристап до објектот.

Министерот за внатрешни работи Панче Тошковски претходно потврди дека во пожарот загинале 51 лице, а над 100 се хоспитализирани. Тој рече дека пожарот е последица на искри од пиротехника употребена за светлосен ефект.

Фото: Томислав Георгиев