„Дебакл на СДС, Филипче не знае што му подметнуваат, а партијата спинува со изјави стари 2 години. Венко Филипче кој излезе и даваше предлози за меѓународно позиционирање на државата, или не знаеше дека Македонија гласала унисоно со САД, или свесно манипулираше. Самиот СДС од Венко Филипче вчера направи кловн за потсмев“ рече денеска на прес-конференција пратеникот од ВМРО-ДПМНЕ, Миле Лефков.
Според него, „Доколку Филипче, знаел дека Македонија гласала исто како САД, тогаш свесно манипулира и наместо да се однесува како претседател на партија, се однесува како шибицар на Камени мост од 90-тите. Фрапирани сме од погледите на СДС дека народот би паднал на такви евтини трикови. Но очигледно упорноста кај СДС зазема други граници, па во ист ден се обидоа по втор пат со ист трик“.
„Нецели два часа откако си го избрукаа претседателот, пуштија соопштение, чист спин со најдолна лага презентирајќи 2 години стар став на заменик министерката Викторија Трајков за владата на Ковачевски како сегашен, и за владата на ВМРО-ДПМНЕ. Овде не додржаа и откако ВМРО-ДПМНЕ реагираше и медиумите ги фатија во лагата, се извинија. Ова е за жал сликата со СДС денес. Партијата која прави кловн од сопствениот претседател и партија која се служи со чисти спинови“ вели Лефков.