Стотици луѓе протестираа против шпанскиот крал Фелипе и кралицата Летиција, како и против премиерот и регионалниот лидер на Валенсија.
Луѓето фрлаа кал и извикуваа „убијци“ додека шефот на државата се обидуваше да оствари официјална посета на една од најтешко погодените општини од смртоносните поплави.
BREAKING: King of Spain attacked by angry people while visiting the disaster area in Valencia pic.twitter.com/fE8K1HQI12
— AlexandruC4 (@AlexandruC4) November 3, 2024
Неговото обезбедување се обидело да го заштити кралот со чадор.
Еден човек го нападнал кралот и другите со шипка. Тој замавна неколку пати, по што го совлада полицаецот.
Но, тоа не беше крајот. Разбеснети луѓе го опколија кралот, додека толпата извикуваше: „Убијци, убијци“.
Сцените од Паипорта открија зголемено чувство на напуштеност кај жителите на опустошените области и широко распространета лутина поради тоа што предупредувањето за останување дома во вторникот дојде дури откако веќе започнаа поплавите.
Официјалната посета се случи во време кога бројот на загинати се искачи на 214, а градоначалниците на погодените општини бараат помош од надлежните.
„Многу сме лути и очајни“, рече Гилермо Лујан, градоначалник на Алдаија. „Имаме град во урнатини. Мораме да почнеме од почеток и барам помош.