„Оливер Спасовски се крие зад флоскули на Фејсбук и не одговара на колку криминалци со досие од списокот `Безбеден град, МВР со Музафер Каришиќ им издале дозвола за оружје? Дали Каришиќ со комисијата составена од Оливер Спасовски дал одобрение за оружје за Шукри Асани, лице со досие, осомничен за транспорт на кокаин, член на криминалната група од Грчец, меѓу првите десет за проверка во Скопје? Чуму листа на криминалци со досиеја за тежок криминал, чуму проверки, покривање, следење и обработка, чуму план Безбеден град, ако Каришиќ со комисијата на Спасовски им дава дозвола за оружје?“ праша денеска на прес-конференција портпаролот на ВМРО-ДПМНЕ, Наум Стоилковски.
„Каришиќ е лице од доверба на Спасовски и на Тасевски, а началникот на крим-полиција е и прв во комисијата за Одобренија за оружја! Срамота е Спасовски да се крие на Фејсбук по скандал дека полиција дава дозволи за оружје на криминалци, додека се случуваат брутални мафијашки ликвидации во центарот на Скопје“ вели Стоилковски.