(ВИДЕО) „Канадер“ кој гаснеше пожар се урна кај грчкиот остров Евија

Авион од марката „канадер“ падна во пожар што го гаснеше кај островот Евија.

Грчкиот медиум evama.gr пренесува дека леталото падна во пожар додека се обидуваше да го изгасне.

Последните информации се дека несреќата се случи на тежок терен во селото Платанистос, во областа Каристос во централниот дел на земјата, каде пожарот се уште е активен.

Авионот падна во бездна.

Хеликоптер кружи над местото на несреќата во потрага по екипажот на „канадерот“.