Израелските одбранбени сили објавија видео за кое тврдат дека го прикажува лидерот на Хамас во тунел под Газа. Јахја Синвар, кој наводно бил фатен на видеото, бил опишан како „мозокот“ на нападот врз Израел на 7 октомври.
ИД додава дека на видеото се гледа како тој бега со „една од неговите сопруги“ и децата.
Според ИД, видеото е снимено во градот Кан Јунис во јужниот дел на Газа, а портпаролот Даниел Хагари рече дека е снимена на 10 октомври, само неколку дена по нападот врз Израел.
Spotted: Yahya Sinwar running away and hiding in his underground terrorist tunnel network as Gazan civilians suffer above ground under the rule of Hamas terrorism.
There is no tunnel deep enough for him to hide in. pic.twitter.com/KLjisBFq1f
— Israel Defense Forces (@IDF) February 13, 2024
„Додека луѓето во Газа страдаат над земја, Синвар се крие во тунелите под нив, трчајќи како кукавица, израз на неговата вистинска личност, со една од неговите сопруги и деца“, објави ИД на Телеграм.
Хагари додаде дека Синвар побегнал под земја со своето семејство во еден од безбедните сместувачки комплекси што ги изградил претходно.
Тој додаде дека видеото е „резултат на ловот“ на Синвар и дека „ловот нема да престане додека не биде фатен, мртов или жив“.
Инаку, Синвар беше одговорен за здружување на военото крило на Хамас пред да воспостави важни нови врски со регионалните арапски сили како цивилен и политички лидер на групата.
Тој беше избран во главното тело за одлучување на Хамас, Политбирото, во 2017 година за политички лидер на огранокот на Хамас во Газа, пишува Си-Ен-Ен.