(ВИДЕО) Горат 12 села низ Македонија, четвртина од куќите во Немањици се изгорени – огнената стихија ја шири силниот ветар

Три села во светиниколско се зафатени од пожарите, додека една четвртина од куќите во селото Немањици се изгорени, вели градоначалникот на Општина Свети Николе, Дејан Младев.

Во моментот со огнената стихија се справуваат пожарникари од Свети Николе, доброволци, месното население, пожарникари од Штип, од Неготино, од Кавадарци и од Велес. На терен е присутна и војската, а еден хеликоптер интензивно ги гаси куќите кои горат во село Немањици.

Градоначалникот Владев информира дека пожар има и во светиниколското село Малино и таму биле зафатени куќи, а гори и во правец на селото Богословец. Тој посочува дека сите сили се ангажирани и добро е што нема повредени или загинати во овие пожари.