Венецуелската Влада го протера германскиот амбасадор затоа што го поддржа Гуаидо

Владата на Венецуела денеска соопшти дека го протерува германскиот амбасадор Даниел Мартин Кријнер поради мешање во внатрешните работи.

– Венецуела смета дека е неприфатливо странски дипломат во нашата држава да врши јавна улога блиска до онаа на политички лидер усогласена со конспиративната агенда на екстремистичките сектори на венецуелската опозиција, се вели во соопштението на Владата.

Официјален Каракас на германскиот амбасадор му даде 48 часа да ја напушти државата.