Велосипедист тешко повреден откако паднал кај детското одморалиште кај Водно

Велосипедист од Градско вчера се здобил со тешки телесни повреди откако изгубил контрола над својот велосипед и паднал кај детското одморалиште.

„На 04.06.2019 во 10.30 часот на локалниот пат град Скопје-Милениумски крст Водно, во близина на детското одморалиште, А.С.(26) од с.Виничани, градско, управувајќи велосипед, изгубил контрола и паднал на коловозот. А.С. се здобил со тешки телесни повреди и со возило на Итна медицинска помош бил пренесен во Комплексот клиники „Мајка Тереза“ каде му била укажана лекарска помош. Увид на местото на настанот извршила увидна екипа од СВР Скопје“, велат од МВР.