Велосипедист паднал во провалија на Беласица, го спасле пожарникари и медицински лица

ТППЕ Струмица со тим од четири пожарникари-спасители и едно теренско возило денес учествуваше во транспорт на повредено лице.

Станува збор за велосипедист, кој спуштајќи се од планината излетал во провалија.

-Од местото викано Ѓаволски мост на планината Беласица велосипедистот спуштајќи се по патеката излетал во провалија и се здобил со повреди. Повредениот велосипедист од провалијата бил извлечен од други велосипедисти, па со теренското возило на ТППЕ Струмица, заедно со тим на брза помош е префрлен до селото Борисово, каде е превземен од возило на Брза помош и предадено во Медицински центар Струмица, информираат од ТППЕ Струмица.