Вчера произведени 15.179 мегават часови електрична енергија

АД ЕСМ известува дека во текот на вчерашниот ден биле произведени 15.179 мегават часови електрична енергија, со што целосно биле задоволени потребите на домаќинствата и малите потрошувачи.

Во термоелектраните се произведени 12.933 мегават часови електрична енергија , а во хидроелектраните и во Ветерниот парк Богданци се произведени се 2.246 мегават часови.

Во изминатото деноноќие преку ЕСМ Продажба биле набавени 850 мегават часови струја.

– Тоа е електрична енергија наменета за болници, градинки, училишта, јавни претпријатија, капацитети од прехранбената индустрија и објекти од виталната инфраструктура во државата, појаснуваат од АД ЕСМ.