Утре во 12 часот Собранието ќе гласа за одземање на имунитетите на пратениците

Пленарната седница на Собранието на која ќе се расправа за одземање на имунитетот на пратениците е закажана за утре напладне.

Претседателот на Собранието, Талат Џафери седницата ја закажа откако денеска Комисијата за мандатно-имунитетни прашања го одобри барањето на судот и донесе заклучок да му предложи на Собранието да им се одземе имунитетот шестмината пратеници.