Уште осум држави треба да го ратификуваат протоколот за НАТО

Турција и Чешка се последните две држави кои го ратификуваа протоколот за членство во НАТО на нашата држава.

Чешка е 21-та држава која го ратификуваше овој документ и со тоа останаа уште осум држави, кои во нивните парламенти треба да дозволат влез на Северна Македонија во НАТО-алијансата.

Убедени сме дека пристапувањето на Северна Македонија во НАТО ќе ја зајакне целокупната стабилност и безбедност на Балканот, а во исто време и самата Алијанса“, изјави чешкиот вицепремиер Јан Хамачек на ратификацијата на Протоколот.

Шефот на турската делегација во Парламентарното собрание на НАТО, Осман Ашкин на неговиот твитер-профил објави дека како и досега, Турција ќе продолжи да ја поддржува Северна Македонија во евроатлантскиот-интегративен процес.