Денеска завршува судењето на Урош Блажиќ, момчето кое изврши масакр кај Младеновац.
Предвидено е обвинителите на Вишото јавно обвинителство Смедерево да изнесат оцена на доказите, заклучоци за клучните факти, да укажат на важечките законски одредби и наведени олеснителни и отежнувачки околности за изрекување на казната.
Блажиќ на претходното рочиште се согласи да одговори на прашањата на адвокатот на оштетените, Небојша Перовиќ.
Урош Блажиќ денеска беше изведен пред говорницата да одговори на прашањата на Перовиќ, но, според медиумите, тој побарал судијата да ја дополни неговата одбрана.
„Излегов да одговорам затоа што сите беа во право. Ве молам, не ме прашувајте за мотивот. Постојано ја префрлав вината“, започна Урош Блажиќ.
„Цел живот глумев, правев жртва од себе. Замислував дека сите ме мразат. Ја одбив помошта од моите врсници, се однесував арогантно. Вистината е дека одбив да ја преземам вината, а јас сум единствениот да се обвинам, мислам дека не е доцна да се направи тоа сега, иако ова требаше да се направи на почетокот. Би сакал да изразам сочувство. Знам дека ништо не може да им ја намали болката, би сакал да им се извинам на сите за моето однесување. Стојам пред вас – судете, мојата судбина е во ваши раце. Најстрого осудете ме“, рече тој.
„Она што најмногу би сакал е сега да ми дадете хартија и да потпишам дека ќе ми го извадите окото, ќе ми го истиснете ‘рбетниот мозок, ќе ми ја отсечете раката, ногата и да му го дадете на повредениот. Да знаат сите дека знам дека јас сум мртов човек“ заврши тој.
На прашањето на адвокатот тој донекаде се согласил да зборува за 4 мај. Рече дека не знае кога се „префрлил“ и решил да изврши масовно убиство.
„Слушнав за Рибникар тоа утро, но само површно. Го осудив тоа. Знам дека не ми верувате. Бев револтиран. Не можам да одговорам на прашањето зошто го направив истото“, одговори Блажиќ.
„Го земав оружјето по пораките на „Вацап“. Влегов во автомобилот и преку Дубона и Мало Орашје се упатив кон Смедерево. По пораките телефонски разговарав со Виктор Ѓорѓевиќ, тој ми кажа дека ми се закануваат, дека ќе дојдат и ќе ме тепаат. Те молам, не сакам да зборувам за таа ноќ. Нема мотив, нема оправдување. Како да не бев јас, овие раце веќе нема да можат да го земат тој метал и да го вперат кон некој друг“, изјави Урош Блажиќ.