Унгарија со крупен чекор кон четвртфиналето во групата каде е и Македонија

Ракометарите на Унгарија ја победија Австрија во трката за втората позиција на табелата во групата 2 на СП2025 во салата во Вараждин, (29-26).

Првото полувреме им припадна на Австријците со 13 – 12, но во вториот дел Унгарците го покажаа најдоброто од себе и се изборија за бодови со кои се искачија на втората позиција на табелата и оттаму ја истиснаа Македонија.

Лидер во оваа група е Франција, а Македонија е трета, со еден бод помалку од Унгарија.

Родригез со 7 гола беше најефикасен кај Унгарија, а Фримел постигна шест гола за Австрија.

Данска ја продолжува низата на победи на СП и во претпоследното коло од главната фаза славеше убедливо против Швајцарија, 39-28.

Данците се лидери во групата 1.