Без разлика на политичката определеност, граѓанска должност на секој поединец е да го крене гласот против нефункционалниот систем, изјави Сергеј Попов, претседател на Унија на млади сили на ВМРО-ДПМНЕ и пратеник во Собрание.
„Убиството на младата Фросина е доказ дека главната борба треба да биде насочена кон тоа да добиеме судии и обвинители кои ќе ја вршат својата работа и нема да дозволуваат апсени криминалци да шетаат по нашите улици.
Заедно со моите колеги од УМС, денес ќе се придружиме на протестниот собир пред Силбо, да изразиме сочувство за Фросина, како и револт против системот кој убива.
Згрозени од обидите на одредени поединци и структури да го политизираат овој случај, ве повикуваме сите во 13 часот да оддадеме почит и да не дозволиме оваа борба за правда и сигурност да биде извалкана и користена за политички поени“ порача Попов.