Украинското разузнавање тврди дека ФСБ има наредба да го убие Пригожин

Федералната служба за безбедност на Руската Федерација (ФСБ) доби задача да го убие шефот на Вагнер групата Евгениј Пригожин, соопшти Кирил Буданов, шеф на воената разузнавачка служба на Украина.

Пригожин замина во егзил во Белорусија во вторникот, според договорот со кој заврши кусиот бунт на борците на групата „ Вагнер“ во текот на викендот.

„Евгениј Пригожин ќе се пресели во Белорусија според договорот со посредство на белорускиот претседател за прекин на денешниот вооружен бунт против руското воено раководство. Шефот Вагнер и неговите борци нема да бидат кривично гонети“, соопшти Кремљ по бунтот.