Украинскиот министер за надворешни работи Андриј Сибиха изјави дека никој не може да ја натера неговата земја да се откаже од своите права, откако Доналд Трамп ја критикуваше Украина и нејзиниот претседател.
„Украина го издржа најужасниот воен напад во модерната европска историја и три години тотална војна. Украинскиот народ и неговиот претседател Зеленски одбија да се поклонат на притисокот на Путин.
Ukraine withstood the most horrific military attack in Europe’s modern history and three years of a total war.
The Ukrainian people and their President @ZelenskyyUa refused to give in to Putin’s pressure.
Nobody can force Ukraine to give up. We will defend our right to exist.
— Andrii Sybiha 🇺🇦 (@andrii_sybiha) February 19, 2025
Никој не може да ја натера Украина да се откаже. Ќе го браниме нашето право да постоиме“, напиша Сибиха на платформата „Икс“, веднаш откако американскиот претседател Доналд Трамп жестоко го нападна Володимир Зеленски во објавата на „Truth Social“, нарекувајќи го „диктатор“.
Американскиот претседател Доналд Трамп остро го критикуваше украинскиот претседател Володимир Зеленски во објава на неговата социјална мрежа Truth Social.
„Замислете, умерено успешен комичар, Володимир Зеленски, ги убеди САД да потрошат 350 милијарди долари, да влезат во војна која не може да се добие, која никогаш не требаше да се започне, но војна која тој, без САД и ТРАМП, никогаш нема да може да ја реши“.