Украина: Најмалку четири лица загинаа во нападот на руската армија врз Харков

Најмалку четири лица загинаа во текот на ноќта во воздушен напад на руската армија врз Харков во Украина, изјави утрово градоначалникот на тој град Игор Терехов.

Терехов на Телеграм напиша дека четири лица се убиени во напад на руските сили по полноќ во областа Основјанск во Харков, пренесе Укринформ.

Градоначалникот изјави дека во нападот биле уништени две куќи, а околу 20 биле оштетени.