Украина и Русија меѓусебно се обвинуваат за бомбардирања на градови

Украина и Русија меѓусебно се обвинуваат за оштетување на инфраструктурата откако денеска почнаа со серија бомбардирања од двете страни.

Руските сили пукаа врз еден град во провинцијата Запорожје, изјави Кирил Тимошенко, заменик-шеф на претседателската канцеларија. Во нападот, според него, е убиено едно лице и уништени се 16 објекти од цивилната инфраструктура.

Има информации и дека „руски терористи“ пукале во пограничниот регион Суми, при што едно лице загинало, а друго е рането.

Властите на Доњецк, градот што е под руска контрола, пријавиле штета на седиштето на железничката управа. Според достапните фотографии, во тешко оштетената зграда избувнал пожар, а засега нема информации за евентуално повредени лица.