Угостителите: Засега нема продолжување на работното време по 21 часот

Вкупно три од пет барања на Независната угостителска комора се прифатени од Владата по денешната средба со вицепремиерот Битиќи.

„Разговаравме речиси два часа. Имаше дискусии и појаснувања околу нашите барања, како и презентација на пакетот мерки што го спрема Владата. Од нашите пет барања, трите се речиси во целост исполнети, четвртото барање останува да се доработи, а во однос на петтото немаше дискусија. Најверојатно месец јануари на некој начин е изгубен во однос на субвенцијата за плати, но државата работи и вложува напори како да ги надомести во наредниот период“, истакна Здравко Јосифовски од НУК.